Чистай ЗАГС бүлеге белгечләре «Сайлау хокукы» фильмын карауда катнаштылар
2021 нче елның 23 нче сентябрендә Чистай муниципаль районы Башкарма комитеты ГХАТ бүлеге хезмәткәрләре халыкның тууы арту һәм йөклелек өзелүне киметүгә юнәлдерелгән чарада катнаштылар.
«Демография» милли проектын, «Ныклы гаилә» партия проектын тормышка ашыру кысаларында, «Мәдәни – ял итү үзәге» муниципаль бюджет мәдәният учреждениесендә «Сайлау хокукы» фильмын карау булды. Режиссер Елена Пискареваның кинолентасы Россиядә абортларны легальләштерүнең 100 еллыгына багышланган.
Фильмны карауда Чистай муниципаль районы Башкарма комитеты җитәкчесенең социаль мәсьәләләр буенча урынбасары Галина Юрьевна Задворнова, Чистай муниципаль районы Башкарма комитетының ГХАТ бүлеге башлыгы Динара Наил кызы Җәләлова, Чистай РҮХ җитәкчелеге һәм табиблары, мөселман һәм православие руханилары вәкилләре, гомуми белем бирү мәктәпләренең чыгарылыш сыйныф укучылары һәм урта махсус уку йортларының студентлары катнашты.
Фильм чынбарлыкка охшаган, кайчагында куркытып ала торган. Экранда чагылдырылган ана һәм сабыйның авыруы, курку, куркынычы тамашачыларны әле тумаган сабыйларны тормышка алу хокукы турында уйланырга мәҗбүр итә.
Фильм тәмамланганнан соң катнашучылар тормыш кыйммәтләре, аны яклау эшчәнлеге турында фикер алыштылар.
Аудиториягә Чистай муниципаль районы Башкарма комитетының ЗАГС бүлеге җитәкчесе Динара Наил кызы Җәләлова мөрәҗәгать итте:
«Сер түгел, безнең илдә демографик проблема кискен күзәтелә. Яшьләр, гаилә корып, балалар табарга ашыкмыйлар. Яшьләр белән эшләргә кирәк. Шуңа күрә бүген без үзәктә җыелдык һәм мондый мәсьәләләр турында фикер алышабыз».