Түбән Кама муниципаль районы ГХАТ идарәсе җитәкчесе урынбасары «Сонатал» исемле имин бала табуга әзерлек мәктәбендә булачак әниләр белән очрашу үткәрде

2021 елның 6 августы, җомга

2021 елның 6 августында «Сонатал» бала табуга әзерлек мәктәбендә чираттагы кереш дәрес узды. ГХАТ идарәсе җитәкчесе урынбасары Гөлназ Закирова тууны дәүләт теркәвенә алу һәм ата булуны билгеләү тәртибе турында сөйләде. Шуны да билгеләп үтәргә кирәк, мәгълүмати-аңлату очрашулары бик вакытлы, чөнки тиздән әниләргә бала туу турында таныклыкны рәсмиләштерергә кирәк булачак. Йөкле хатын-кызлар сүзләренә караганда, алынган мәгълүмат актуаль булып тора.