2021 елның 21-24 сентябрендә Казанда Kazan Digital Week - 2021 халыкара форумы узачак. Чара цифрлы интеллектуаль технологияләрне эшләүчеләргә һәм алар нигезендә булдырылган системалар, сервислар һәм хезмәтләр кулланучыларга юнәлдерелгән. Чараны «Казан Экспо» заманча халыкара күргәзмә үзәгендә катнаш (офлайн + онлайн) форматта уздыру планлаштырыла.
Цифрлы атна программасы цифрлы интеллектуаль технологияләр һәм алар нигезендә булдырыла торган инновацион продуктларга нигезләнәчәк. KDW - 2021 төп тематик юнәлешләре:
– Ситуацион үзәкләр;
– Мәгариф өлкәсендә цифрлы технологияләр;
– Сәламәтлек саклау һәм медицина өлкәсендә цифрлы технологияләр;
– Цифрлы индустрия 4.0;
– Мәдәният өлкәсендә цифрлы технологияләр;
– Бизнеска интеграцияләнгән инновацияләр;
– Яңа вакытның киберкуркынычсызлыгы;
– Финтех экосистемасы;
– Авыл хуҗалыгы өлкәсендә цифрлы технологияләр;
– Интеллектуаль транспорт системалары.
Форум турында тулырак мәгълүмат, теркәү, катнашу һәм материалларны бастыру шартлары kazandigitalweek.ru / kazandigitalweek.com сайтларында тәкъдим ителгән.