Әлки районы Түбән Әлки авылында яшәүче Фәйзрахман һәм Тәскирә Гәрәевләр «Мәхәббәт һәм тугрылык өчен» медале белән бүләкләнде

2021 елның 8 июле, пәнҗешәмбе

Тормыш бәйрәмнәрдән генә тормый, билгеле. Ә менә Түбән Әлки авылында яшәүче Фәйзрахман һәм Тәскирә Гәрәевләр гаиләсе өчен бу ел бәйрәмнәргә бик бай. Май аенда бер-бер артлы башта гаилә башлыгының 80 яшьлек юбилеен, аннары хәләл җефетенең 70 яшьлеген билгеләп үткәннәр. 12 июньдә исә аларның тормыш юлыннан кулга-кул тотынып бергә атлап китүләренә төгәл 50 ел тулган. Инде тагын бер сөенеч: Фәйзрахман һәм Тәскирә Гәрәевләр иң күркәм һәм үрнәк парларга бирелә торган «Мәхәббәт һәм тугрылык өчен» медале белән бүләкләнде.