Сәлимҗан һәм Нәкыя Дәүләтшиннарның зөбәрҗәт туйлары

2020 елның 6 марты, җомга

6 март көнне Сарман муниципаль районы Кәүҗияк авылында яшәүче Дәүләтшиннар гаиләсе зөбәрҗәт туйларын билгеләп үтте. «Ныклы гаилә» федераль проекты кысаларында юбилярларны муниципаль район башкарма комитеты җитәкчесе урынбасары Индира Сәхипова котлады һәм район Башлыгының Рәхмәт хатын тапшырды.

Кәүҗияк авыл җирлеге башлыгы Фиргать Хөснетдинов, ГХАТ бүлеге җитәкчесе Гөлчәчәк Вәлишина, балалары һәм оныклары юбилярларга изге теләкләрен җиткерделәр. Юбилярларга бәхет, ныклы сәламәтлек һәм озын гомер теләделәр.