Бөгелмә районында – 2020 елның беренче игезәкләре

2020 елның 8 феврале, шимбә

2020 елның 8 февралендә ТР Бөгелмә муниципаль районы ГХАТ бүлегендә беренче «король» игезәкләре теркәлде. «Король» игезәкләре – күп кенә ата-аналар өчен көтелгән ир һәм кыз бала. Менә Нурия һәм Артур Садыйковлар гаиләсендә дә могҗиза булды: кыз һәм малай дөньяга аваз салды – сабыйлар ике минут аерма белән тудылар. Алия белән Аяз – бәхетле әти-әниләр сабыйларын шундый матур исемнәр белән атады.

Беренче документларын – туу турында таныклык, Татарстан Республикасы Президентыннан котлау открыткасы тапшырып, ГХАТ бүлеге хезмәткәрләре яшь гаиләне гомерләрендәге истәлекле һәм озак көтелгән вакыйга белән котладылар, сәламәтлек, гаилә бәхете, иминлек теләделәр.