Барлык парлар да туй тантанасын иң матур, искиткеч һәм онытылмаслык итеп уздырырга тели. Һәркайсы булдыра алганча эшли: кемдер үз туена танылган кешеләрне чакыра, кемдер океан ярында кичә оештыра, ә кемдер әкият сюжетларына таянып, тылсымлы атмосфера тудыра.
2019 елның 9 августында яшь пар Ильназ һәм Рузилә Хафизовлар никахлашу тантаналарын уникаль итәргә тырыштылар, шуңа күрә алар өчен гадәти машина актуаль булмаган хәрәкәт чарасы булып тоелды. Ә менә карета, алар фикеренчә, туйда кирәкле атмосфераны бирәчәк. Кәләшнең сүзләренә караганда, ул үзен әкият герое итеп тойган, чөнки кызларның барысы да диярлек бу хакта хыяллана.