Россия Федерациясенең яшь гражданнарына паспорт тапшыру тантанасы
Татарстан Республикасы Арча муниципаль районы башкарма комитетының ГХАТ бүлегендә " Бердәм Россия «партиясе Арча җирле бүлекчәсе башкарма комитеты җитәкчесе урынбасары Г. Р. Сабирова һәм Россия эчке эшләр министрлыгының Арча районы буенча бүлеге өлкән инспекторы Г. Т. Галләмова катнашында Россия Федерациясенең яшь гражданнарына тантаналы рәвештә паспортлар тапшырылды.
Балаларны аларның тормышындагы шундый әһәмиятле вакыйга белән котларга туганнары һәм якыннары килгән иде. Балаларны тагын бер кат котлап, һәрвакыт һәм бөтен җирдә дә гражданин исемен горур йөртеп, үзләренең гражданлык вазыйфаларын намус белән башкаруларын, яхшы укуларын һәм эшләүләрен, Россия Федерациясе, Татарстан Республикасы һәм Арча районы иминлеге өчен көч-дәрт биреп эшләүләрен теләп калабыз.