Апаслылар ана капиталын бәрәкәтле тоталар

2018 елның 22 августы, чәршәмбе

22 август көнне ЗАГС бинасының никахны теркәү  залында быел икенче сабыйлары туган бәхетле әни-бәбиләргә Ана капиталы сертификаты тапшырылды. Тантанада район башкарма комитеты җитәкчесе урынбасары Луиза Сафина, район Пенсия Фонды җитәкчесе Илгизәр Вәлиәхмәтов, ЗАГС бүлеге җитәкчесе Розалия Насыйбуллина катнашып, яшь гаиләләргә изге теләкләрен юлладылар. Биредә катнашкан әниләрнең сабыйларына районда яңа гына гаилә корган яшьләр тарафыннан әзерләнгән күчтәнәч уенчыклар да бүләк ителде.