2018 нче елның 18 августы – Мамадыш ГХАТ бүлегендә туй “бумы” булды

2018 елның 19 августы, якшәмбе

8 санының сихрилеге  -  18 нче августата  Мамадыш ГХАТ булегендә булган язылышу “бумының” сәбәпчесе булды. Бу көндә гаиләләрен теркәргә 15 пар гариза бирде.

Яшьләрнең бәхетенә хәтта табигать белән һава торышы да шатланды: август аеның җылы кояшы көләч нурлары белән иркәләп, җылытып торды.  Башка көннәрдә туйлар төштән соң гына башланса, бу көнне ГХАТ бүлегендә теркәү тантаналары иртән-иртүк башланды.

Яшь парлар әйтүенчә, бу сихри дата аларга гаиләләре тагын да ныграк һәм бәхетлерәк булыр дигән ышану уята. Шулай да, ГХАТ бүлеге мөдире Айгөл Әхмәтшина гармония саннарда түгел, ә иң элек үзарамөнәсәбәттә,  аңлашуда һәм ышануда булырга тиеш дип искәртте.