Арча муниципаль районы Каенсар авылыннан Әминә Хаҗиәхмәтовага - 90 яшь

2018 елның 16 августы, пәнҗешәмбе

Юбилярны котларга район башлыгы Илшат Нуриев килде һәм Рәхмәт хатларын, бүләк тапшырды.

Мәхәббәтен Каенсарда очрата ул. Фронт юлларын узган Хатибын: “Бабай бик яхшы кеше булды. Колхозда ул эшләмәгән эш калмады”, — дип еш сагынып искә ала. 41 ел бергә гомер кичерәләр алар. Бүгенге көндә ул биш баланың, кияү-киленнәренең, онык-оныкчыкларының газиз кешесе.

Әминә апаны котларга дип тагын бер кадерле кунагы килгән – килендәше Нурия.  “Без гомер буе тату булып, ярдәмләшеп, киңәшләшеп яшәдек”, — ди ул. Йөзләрчә балага хәреф таныткан, кулыннан җитәкләп белем дөньясына алып кергән укытучылары Әминә апаларын укучылары да онытмый.

    Әминә апага исәнлек-саулык, тыныч көннәр телибез.