Баулы районында яшәүче Бүләк апа олы юбилеен билгеләп үтте

2018 елның 16 августы, пәнҗешәмбе

      Кичә үзенең матур юбилеен Уба авылында  яшәүче Бүләк Харисова  билгеләп  үтте. Аңа 95 яшь тулды. Бүләк апа бик матур урында яши. Йорт янында матур чәчәкләр, бакчасында бик куп яшелчә . Күренеп тора, биредә тырыш кешеләр яши.

      Балачак һәм яшьлек еллары авыр, ач елларга туры килгэн. Ул Бөек Ватан сугышы вакытында фидакарь хезмәте өчен орденнар һәм медальләр белән бүләкләнә . Бүләк апа  25 ел элек тол кала, хәзер кызы Әлфия белән бергә яши.

        Юбилярны район башкарма комитеты җитәкчесенең  урынбасары Илмира Хөснуллина , Кызыл Яр авыл җирлеге башлыгы Эльвира Сафина бик җылы котладылар. Алар ил президенты открыткасын  һәм истәлекле бүләк тапшырды. Котлауларга Бүләк апаның барлык туганнары, күршеләре дә кушылды.