“Мәхәббәт һәм тугрылык өчен” медален тапшыру
Матур традиция буенча, быел да Гаилә, мәхәббәт һәм тугрылык көнендә озак еллар бергә гомер кичереп, җәмгыятьтә танылу алган, илгә-көнгә лаеклы балалар үстергән парны зурладылар һәм “Мәхәббәт һәм тугрылык өчен” медален тапшырдылар.
Бүген, 2018 елның 7 июльдә гаилә көне уңаеннан Татарстан Республикасының Әгерҗе муниципаль районы башкарма комитетының ЗАГС бүлегендә узды.
Быел әлеге олы бүләккә Әгерҗедән быел якут туйларын билгеләп үтүче Николай-Галина Стреловлар гаиләсе лаек булды. Алар өч бала тәрбияләп үстереп олы тормышка озатканнар. Әти-әниләрен кадерле бүләк белән котларга балалары, оныклары да килгән иде. Лаеклы парны район башкарма комитеты җитәкчесе урынбасары Римма Гыйльметдинова тәбрикләде һәм медаль белән бергә район башлыгы исеменнән Рәхмәт хаты, истәлек бүләге тапшырды.