Татарстан Республикасы Ведомстволары Татарстан Республикасы Министрлар Кабинетының гражданлык хәле актларын теркәү идарәсе

ЯҢАЛЫКЛАР

март, 2014 ел

сишәмбе

"Мин Рәсәй гражданы!"

2014 елның 25 мартында Зәй муниципаль районы ГХАТ бүлегенең тантаналар залында 15 яшь Рәсәй гражданнарына паспорт тапшыру тантанасы үткәрелде. Чара ГХАТ бүлеге, Яшьләр идарәсе, Федераль миграция хезмәте һәм "Бердәм Россия" партиясе белгечләре тарафыннан үткәрелде. Шәхесне билгеләүче документны алырга балалар әти-әниләре белән килгән иделәр. Яшь гражданнарны Зәй муниципаль район Советы аппараты җитәкчесе Клара Габидуллина, федераль миграция идарәсе башлыгы Галина Усманова, "Бердәм Россия" партиясе вәкиле Ирина Кабирова котладылар. Яшьүсмерләргә истәлекле бүләкләр тапшырылды. Мондый темага үткәрелгән чаралар балаларда патриотик хисләр тәрбияләп, шәхесне билгеләүче документның әһәмиятен арттыралар.

Кукмара районында яшәүче Зарипова Закирә 90 яшьлек юбилеен билгеләп үтте

Татарстан Республикасы Дәүләт Советы Рәисе урынбасары Р.А. Ратникова,Татарстан Республикасы Дәүләт Советы депутаты Марат Зарипов, Кукмара муниципаль районы Башлыгы Рауиль Рахматуллин Зарипова Закирә Нуретдин кызын 90 яшьлек юбилее белән котлап, Россия Президентынын Котлау открыткасын, район Башлыгынын Рәхмәт хатын һәм истәлекле буләк тапшырдылар.

Закирэ Нуретдин кызы Манзарас авыл җирлегенен Киндеркул авылында, дурт кызының берсендә яши, 9 оныгын, 4 оныкчыгын тәрбияләргэ ярәэм итә. Юбилей иясенә якыннарынын кайгыртуын тоеп, бәхетле тыныч картлык кичеруен теләп калабыз.

Пасха бәйрәменнән соң өйләнешкән парлар бәхетле була дигән әйтем бар

Гадәттәгечә Олы уразадан соң Алабуга ГХАТ бүлегендә өйләнешүчеләр саны артты. Бу елда да шул ук хәл күзәтелә. 25,26нчы апрельга 33 пар язылышуга гариза бирде.

25 февральдән 25 мартка кадәр ТР Чирмешән муниципаль районы "Мәгариф бүлеге" МУ, ГХАТ бүлеге тарафыннан башлангыч класс укучылары арасында оештырылган "Минем гаиләм" дигән район бәйгесе узды

Гаиләдә әгъзалары бер-берсен яраталар, ярдәмләшеп, кайгыртучанлык тоеп яшиләр. Гаиләдә генә сине аңлыйлар, синең өчен шатланалар, гаиләгә генә син һәрчак кирәк. Шуңа да нәсел җепләрен өзәргә ярамый, гаиләне кадерләргә кирәк, шуны аңлар өчен балалар гаилә турында язарга, якыннарын рәсемнәрендә сүрәтләргә, гаилә темасына иҗат итәргә тиешләр.

Конкурсның максаты - гаилә кыйммәтләрен популярлаштыру, үсеп килүче буында гаилә һәм аның традицияләренә хөрмәт уяту.

Конкурска Чирмешән муниципаль районының 17 мәктәбеннән эшләр кабул ителде

Буа районында "Көмеш" юбилярларны котлап уздылар

Буа районының Янтуган авыл клубында 25 ел бергә татулыкта тормыш юлы узган гаиләләрнең “Көмеш” юбилейларын билгеләп үттеләр. Бәйрәмгә юбилярларның балалары, оныклары гына түгел, ә барлык авылдашлар да җыелган иде. Аларның гаилә һәм хезмәт юллары авылдашлар өчен үрнәк булып тора. Янтуган авыл җирлеге җитәкчесе Р.А. Замалтдинов юбилярларга котлау хатлары һәм бүләкләр тапшырды.

март, 2014 ел

дүшәмбе

Мамадыш районы ГХАТ бүлегендә ана капиталына сертфикат тапшыру тантанасы узды

2014 елның 24 нче мартында Мамадыш районы ГХАТ бүлегендә ана капиталына ия булу сертификатын тантаналы рәвештә тапшыру чарасы узды. Бу юлы сертификатка 8 ана ия булды.

Сертификатка ия булган иң яшь ана Гөлназ Гөмәрова, ул тормыш иптәшенә ике баһадир малай бүләк иткән. Иң өлкән әни – 44 яшьлек өч кыз анасы Гөлчәчәк Чираева.

Бәхетле аналар иң беренче котлауларын Мамадыш муниципаль районы Башкарма комитеты җитәкчесе урынбасары Алена Смирновадан алдылар. Район башлыгы Анатолий Иванов исеменнән котлау сүзләре белән беррәттән Алена Петровна үзенең дә җылы котлауларын юллады. Сертификат тапшырганда районда балаларның бәхетле балачагы, матур киләчәге өчен барлык шартлар тудырылуын ассызыклады.

ГХАТ бүлеге мөдире Фәния Әхмәтшина бәхетле ата-анага “Семейные страницы» исемле белешмә тапшырып, эчтәлекле киңәш-теләкләрен җиткереп бәйрәм рухын тагын да күтәреп җибәрде.

Җирле пенсия фонды җитәкчесе Шамил Хәсәнов гаиләләргә бәхетле тормыш, сабыйларына саулык, бәхетле гомер теләде.

Тубән Кама яшьләре катнашындагы «Дурт туй» проекты трансляциясе старт алды

2014 елнын 14 март конендэ «Рен ТВ» телеканалында «Дурт туй» Британия проектының Рәсәйдә төшерелгән версиясе трансляцияләнә башлады.

Тубән Каманын яшьләре Петр Ваструков белән Надежда Пименова әлеге проектта катнашып, аның беренче сайлап алу турында җиңү яулап, иң яхшы пар исеме өчен көрәшләрен дәвам итте. Надежда һәм Петрның никахларын теркәү тантанасы Түбән Кама ГХАТ идарәсендә булса, туйлары Аксубай районында үтте. Яшьләр Рәсәй күләмендә Татарстан Республикасын таныту өчен үзләреннән зур өлеш керттеләр. Алар катнашындагы тапшыру эфирга 28 март көнне чыгар дип көтеп калабыз.

Буа районында 90 яшьлек юбилей

Буа районы Янтуган авылында гомер кичерүче Сания апа Фәизовага 90 яшь тулды. Аны муниципаль район башлыгы А.К. Айзатуллов һәм авыл җирлеге башлыгы Р.А. Замалтдинов котладылар һәм Рәсәй Президентының телеграмассын тапшырдылар. Тыл ветераны үзенең хәтирәләре белән уртаклашты, үзенә күрсәтелгән игътибар өчен рәхмәтле булуын әйтте.

март, 2014 ел

якшәмбе

“Бриллиант кәләшләр”

2014 елның 23 мартында “Бриллиант кәләш” бөтенрәсәй фестиваленең республика туры катнашучыларның Яр Чаллы шәһәрендә икенче очрашуы узды.

Кайбер кәләшләр үзләренең кечкенә балалары белән килделәр. Шулай ук чәч үрү буенча мастер-класс оештырылды.

23 нче март көнне Кашаповлар гаиләсе үзләренең утыз еллык юбилейларын билгеләп үттеләр

Аларны Керкәле авылы башлыгы Галия Хөсәин кызы Шириязданова котлады.

Туегыз үткән гүя бүген генә

Утырдыгыз түрдә парлашып

Авырлыкны җиңеп,шатлык белән

Гомерегез үтсен гөрләшеп

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ