Бриллиант туй

2017 елның 19 август көнендә Лениногорск шәһәре ГХАТ бүлегендә Сәлмәнов Илдус Газимҗан улы белән Мөнивәрә Шәмсетдин кызының "Бриллиант туйлары" билгеләп үтелде. Моннан 60 ел элек бу гаилә Лениногорск районы Зәй-Каратай авылында кавышып, уйга-уй һәм кулга-кул тотынышып яши бирәләр. Яшь буын өчен бу гаилә үрнәк булып тора.  Тантаналар залында Юбилярларны якын туганнары, оныклары һәм оныкчыклары котлады.  Бүлек белгечләре котлауларга кушылып аларга исәнлек-саулык, озын, тигез тормыш теләде һәм ГХАТ бүлеге җитәкчесе исеменнән юбилей таныклыгы тапшырылды. Һәм инде әлбәттә, Сәлмәновлар гаиләсенең исеме почет кенәгәсенә кертелде.