Менделеевск районында Тихон көне

Тихоново авылында чикәү календаре кысаларында икенче ел рәттән авыл көне уздырыла.

Нәкъ 29 нчы июнь көнне правословие чиркәве изге Тихон Амафунтскийны искә ала. Ышануларга караганда , бу көнгә кошлар сайравы сирәгәя башлый, кояш хәрәкәте кими, чәчү төгәлләнә һәм бу көннән Купалога кадәр шифалы тамырлар җыела.

• Көндез без молебен уздырдык. Службага күп авылдашларның килүе күңелне сөендерә, димәк , гореф-гадәтләр яңара, -диде Тихоново чиркәве иерее Виктор атакай.

Авыл җирлегендә яшәүчеләрне һәм кайткан кунакларны район башлыгы урынбасары Ләйсән Галеева , авыл башлыгы Алексей Карманов котлады. Ул  гаиләне ныгытуга һәм гаилә гореф-гадәтләрен саклауга багышланган иҗтимагый чараларда катнашкан  гаилә юбилярларына, актив катнашучыларга, озак яшәүчеләргә, яшь буын вәкилләренә   истәлекле бүләкләр тапшырды.

Чараны үзешчән артистлар чыгышы, халык уеннары, спорт ярышлары дәвам итте.