Кайбыч муниципаль районында яшь гаиләләргә, ятим балаларга яңа йорттан ачкыч бирделәр

Район үзәге Олы Кайбыч авылында өч катлы яңа йорт файдалануга тапшырылды. Өй туйлары – бездә сирәк очрый торган хәл түгел. Тик өч катлы, күп фатир­лы йорт Кайбычта әле беренче тапкыр ачылды. Ә иң беренче булып фатирларны  яшь гаиләләргә, ятимнәргә бирделәр.

 Тантаналы ачылышта район башлыгы Альберт Рәхмәтуллин , төрле оешмаларда эшләүче хезмәткәрләр һәм район халкы  катнашты. Фатир алучыларның шатлыгын уртаклашыр­га туганнары,  авыл җирлекләре башлыклары    бүләк белән килгән иде. Яңа йортның фатир ачкычларын яшь гаиләләр,әти-әни тәрбиясеннән мәхрүм калган өч ятим балага тапшыр­дылар.