Узган ял көннәрендә Лениногорск шәһәре ГХАТ бүлеге бинасы янында 2 нче социаль-педагогик комплексның 15 еллык юбилее һәм В.Д.Шашинның 100 еллык юбилеена багышланган бәйрәм кичәсе булып узды.

Шәһәребез халкын НГДУ “Лениногорскнефть” начальнигы Р.С. Нурмухаметов котлады. Көтеп алынган бүләкләү тантанасы “Юные дарования” дип исемләнгән премия нәтиҗәләрен билгеләүдән башланды. Педагоглар, оештыручылар һәм традицион конкурс җиңүчеләре бүләкләнде. 1 нче сыйныфка баручы балаларга мәктәп кирәк-яраклары белән өр-яңа букчалар бүләк ителде.

Эксперт жюри карары буенча, нефтяниклар Аллеясында үткәрелгән балалар сәнгате күргәзмәсендә катнашучылар билгеләп үтелде.

Ә инде концерт программасында Самара шәһәреннән “Бруклин” шоу-группасы, “Пируэт” ансамбле һәм шәһәребезнең яшь талантлары катнашты. Кичә “В кругу друзей” дип исемләнгән программа белән дәвам итте.

Бәйрәм җылы кояш нуры белән ваемсыз булмаганнарның канаты астында үтте.