12 май көнне "Казан" гаилә Үзәгендә «Халыкара гаилә көне»нә багышланган бәйрәм узды

Мөхтәрәм кунак буларак, Казан шәһәре Думасы Депутаты, шәһәр халкының сәламәтлеген саклау һәм әйләнә-тирә мохитне саклау буенча даими комиссия рәисе, Шәвәлиев Рафаэль Фирнаял улы катнашты.  Чара кысаларында, 2 нче балалар сәнгать мәктәбе укучылары ясаган рәсем күргәзмәсе ачылды. Бу көнне "Казан" гаилә Үзәгендә буыннар очрашуы узды. Бәйрәмгә 65 ел бергә яшәгән Валитовлар гаиләсе һәм шулай ук, әле күптән түгел генә икенче балалары туган яшь гаиләләр дә чакырылды. Загир Миназетдин улы белән Алиябану Арифулла кызы Валитовлар хезмәт эшчәнлеген авыр хәрби вакытта башлаганнар. Барлык кыенлыкларга карамастан, алар бер-берсенә булган мәхәббәтне һәм хөрмәтне саклап кала алганнар. Нык һәм бәхетле гаилә корып ике матур кыз үстергәннәр. Хәзер юбилярлар дүрт оныкка һәм ике оныкчыкка сөенеп яшиләр. Чаранын дәвамы булып ана капиталы сертификатларын тапшыруы узды. Казан шәһәре Думасы Депутаты, Рафаэль Шәвәлиев юбилярларны һәм әниләрне котлап аларга истәлекле буләкләр дә тапшырды. Казан шәһәре Вахитов районы пенсия Фонды вәкиле Абдрашитова Галина Иван кызы яшь гаилэлэргә ана капиталын ничек, ни нәтиҗәле кулланырга кирәклеге турында һәм яшь гаиләләргә нинди ярдәм итү программалары барлыгы турында сөйләп узды. Якты бәйрәмнең бизәге булып, Татьяна Агафонова җитәкчелегендә "Октава" малайлар вокал студиясе һәм 6 нчы номерлы Балалар сәнгать мәктәбенең "Сапфир" коллективы чыгыш ясады. Халыкара гаилә Көне белән барыгызны да котлыйбыз! Сезнең гаиләдә һәрвакыт мәхәббәт хөкем сөрсен, барысы да тормышка ашсын һәм һәр яңа көн бары тик шатлык китерсен! Бәйрәм белән сезне!