"Идел буе уңышлы гаиләсе - 2016" конкурсында Татарстанны Хабиевлар гаиләсе тәкъдим итәчәк

2016 елның 12 маенда Россия Федерациясе Президентының Идел буе Федераль округында тулы вәкаләтле вәкиле ярдәмчесе Олег Машковцев видеоконференция режимында төбәкләр белән "Идел буе уңышлы гаиләсе - 2016" округ фестиваль-конкурсына әзерлек буенча төбәкара оештыру комитетының финал утырышын үткәрде.

Татарстан Республикасыннан киңәшмәдә Татарстан Республикасы Министрлар Кабинеты гражданлык хәле актларын теркәү идарәсе башлыгы Альбина Шәвәлиева катнашты. Ул хәбәр иткәнчә, 31 май - 1 июньдә Пермь шәһәрендә уздырырга планлаштырылган конкурста Яр Чаллы шәһәрендә яшәүче, "НЕЧКӘБИЛ 2015" хатын-кыз гүзәллеге, аналар һәм гаилә республика конкурсында җиңү яулаган Хабиевлар гаиләсе катнашачак.  Дилүзә Хабиева - "Алтын Нечкәбил – 2015" дигән мактаулы исем иясе - "Чишмә" Халыклар дуслыгы йорты вокалисты, тормыш иптәше Руслан, кызы Ясмин, уллары Эрнест һәм Искәндәр белән үз гаиләсен күрсәтәчәк һәм төрле төрле номинацияләрдә көрәшәчәк.