Түбән Кама муниципаль районы ГХАТ Идарәсендә 1000 нче булып туган баланың исем кушу тантасы узды
2016 елның 14 нче апрелендә никахлашу Сараенда 1000 нче булып туган баланың исем кушу тантасы узды.
«Юбилейлы» сабый малай булды, ул Василий һәм Анастасия Каменьщиковлар гаиләсендә туды. Бәхетле әти-әниләр улларына Кирилл исемен бирделәр, грек теленнән тәрҗемә иткәндә, ул көчле дигәнне аңлата.
Түбән Кама муниципаль районы ГХАТ Идарәсе белгечләре Каменьщиковлар гаиләсенә сабыйның беренче дәүләт документын – туу турында таныклыгын тапшырдылар. Якыннары, туганнары һәм әби-бабайлары каршында Кирилл тантаналы рәвештә Рәсәй Федерациясе гражданы дип игълан ителде.
ГХАТ Идарәсе җитәкчесе Бэлла Махотина яшьләрне бәхетле вакыйгалары белән чын күңеленнән тәбрик итте һәм аңа әти-әниләренә ышанычлы терәк, таяныч булырга исән-сау булып үсәргә теләде һәм Түбән Кама муниципаль районы башлыгы, Түбән Кама мэры Айдар Метшин исеменнән котлау хатын тапшырды.