Биклән авылында гомер кичерүче, тыл ветераны Лотфуллина Рәйсә Сәләхетдин кызы үзенең 90 яшьлек олуг юбилеен билгеләп үтте. Ветеранны тәбрикләргә, якыннарының сөенечен уртаклашырга Тукай муниципаль район Советы аппарат җитәкчесе Әсхәдә Зиятдин кызы, ГХАТ бүлеге, туганнары, килде. Алар әбигә Россия Президентының котлау хатын, район башлыгы Васил Хаҗиев исеменән истәлек бүләге тапшырып, юбилярга матур теләкләрен җиткерделәр.