Яз – хатын-кызларга дан җырлау вакыты

Язны һәркем зарыгып көтеп ала. Ул яңа өметләр уята, күңел күтәренкелеге алып килә. Кешегә яшәү дәрте өсти. Җирдә мәрхәмәт, шәфкать арта. Бәлки шуңадыр яз  - хатын-кызлар белән бәйле җылы  хисләр уята.  Һәрбер хатын-кыз иң ягымлы мактау сүзләренә, олы мәхәббәткә, ихтирамга һәм кайгыртуга лаек. Шуңа күрә районда хатын-кызларга багышлаган чаралар дәвам итә.

Баулы районы Кзыл-Яр авыл җирлегендә гаилә авторитетын күтәрүгә юнәлтелгән чара узды.  Анда Кзыл-Яр һәм Уба авылы хатын- кызлары катнашты. Алар чарага чакырылган яшь гаиләләргә  гаилә учагын саклау серләрен ачтылар, гаилә тынычлыгын саклап калуда хатын-кызның өлеше зур булуын исбат иттеләр.