400-нче баланың теркәлүе турында

2016 елның 1 мартында, язның беренче көнендә, Әлмәт муниципаль районы башкарма комитеты ГХАТ идарәсендә туу турында чираттагы юбилей акты төзелде. Орловлар Сергей Владимир улы һәм Светлана Геннадий гаиләсендә өченче бала булып туган, грек теленнән “тынычлык” мәгънәсенә ия булган Арина исемле сабый 400-нче бала булып теркәлде. ГХАТ идарәсендә бәхетле әтигә тантаналы рәвештә баланың беренче документы-туу турында таныклык тапшырылды.