Казанлылар үз балаларына Добрыня, Тиана, Амира, Айлина һәм Лукерья исемнәрен бирделәр.

Үткән атнада Казан шәһәренең ЗАГС бүлекләрендә 429 сабый теркәлде: 218 малай һәм 211 кыз. Иң кечкенә бала 950, ә иң зуры – 4650 грамм.  Иң яшь анага – 18, иң өлкән анага 43 яшь. Бу атнада иң популяр исемнәр: Булат, Тимур, Самир, Алиса, Самира, Ева, Дарья, Арина, Милена. Сирәк очрый торган исемнәр: Мирослав, Расул, Добрыня, Савелий, Изабель, Тиана, Амира, Айлина, Лукерья. Шул ук вакыт эчендә ЗАГС бүлекләрендә 226 пар никахларын рәсми рәвештә теркәгәннәр.  Иң яшь каләш белән кияүгә 20 һәм 19 ел, иң олы кияүгә – 80, каләшкә – 72 яшь, дип ЗАГС идарәсе хәбәр итә.