Октябрьнең 3 числосында район үзәгендә агачлар утырту көне үткәрелде

Күп кенә коллективлар, мәктәп укытучылары һәм укучылар  бу игелекле эшкә теләп кушылдылар. Ә район башкарма комитетының ЗАГС  бүлеге шушы көндә яңа традициягә нигез салды: никахларын тантаналы төстә теркәгән яшь парлар, ел фасылы мөмкинлек бирсә, монан соң үзәк паркта агач утыртачак.  Моны беренче булып Базарлы Матактан Айрат һәм Алсинә  Галиевлар эшләде:  алар тормышларының иң бәхетле көне истәлеге итеп, паркның бер почмагында миләш утырттылар. Икенче төп миләшне аларның әти-әниләре утыртып куйды. Нәфис, "нечкә күңелле" агач ул миләш, яшьләргә бәхәтле гаилә тормышы теләсен.