Түбән Кама ГХАТ идарәсендә өйләнешергә дип гариза язучылар гаилә психологы – Елена Лагинская белән очрашуга чакырыла. ГХАТ идарәсе җитәкчелеге фикеренчә, мондый консультация яшьләр өчен бәхет ачкычы булырга мөмкин.
“Яшь гаилә мәктәбе” программасы “Җаваплы әти-әни мәктәбе” муниципаль проект кысаларында тормышка ашырыла. Психолог белән очрашу вакытында яшьләр иң четерекле сорауларга да җавап таба алалар. Ә иң мөһиме, булачак ир белән хатынның өйләнешүгә карата мөнәсәбәтләре җитдиләнә.
“Яшь гаилә мәктәбе” түбәнкамалылар арасында зур популярлык казана. 10 нчы октябрь көнне, мәсәлән, гаилә психологы белән 14 пар очрашты.