Югары Ослан муниципаль районында гаилә тормышының зөбәрҗәт юбилярларын котлау

Ирле-хатынлы Бурдиннар Федор улы Михаил һəм  Иван кызы Любовь менə инде 55 ел бергə кулны кулга тотынып тормыш юлыннан атлыйлар.Бер- берсен  хөрмəт иткəн, яраткан гаилəлəр генə гомер юлларын тигез һəм матур үтə алалар.1960 елның 21 сентябрендə бу парлар өйлəнешкəннəр.

Ирле-хатынлы Бурдиннар гомер буе “Карагуҗа” совхозында эшлəгəннəр. Михаил ферма мөдире, Любовь районда алдынгы сыер савучы, икеседə хезмəт ветераннары. Күп мəртəбəлəр күпеллык намуслы хезмəтлəре өчен  мактау һəм рəхмəт хатлары белəн бүлəклəнгəннəр. Юбилярлар  үзлəренең иң зур бəхетлəре итеп дүрт балаларын, биш оныкларын,б ер оныкчыкларын саныйлар.Балалары хəзерге көндə районда яшилəр һəм эшлилəр. Зөбәрҗәт юбилярларның үткəне авыр  булсада, алар хөрмәткә лаек, үзлəрен бик бəхетле санап тигез гомер юлын кичерəлəр.

55 ел бергə гомер иткəн юбилярларны ”Районның мактаулы юбилярлары” китабына теркәделәр һәм бу бәхетле парлар  үзләренең имзаларын куйдылар. ГХАТ бүлеге җитәкчесе Наталья Кадырова    юбилярларга саулык,тынычлык,тигез озын гомер теләп Югары Ослан муниципаль район башлыгы Марат Зиатдиновның  мактау хатын һәм истәлекле бүләген тапшырды.

Юбилярлар исеменә   Карагуҗа авыл җирлеге башлыгы Владимир Карасев җылы сүзләрен әйтеп бүлəк тапшырды. Бу котлауларга балалары,туганнары да кушылдылар.