Саба районы, Югары–Утар балалар интернатында «Көзге яхшылык атнасы - изге эшләр эстафетасы»
13 сентябрь көнне Югары Утар балалар йортында «Көзге яхшылык атнасы - изге эшләр эстафетасы» акциясе кысаларында тәрбиячеләр һәм тәрбияләнүче балалар кошлар өчен кышкы җимлекләргә салырга миләшҗимешләре җыйдылар
Чараның төп максаты - балаларда канатлы дусларыбызга игелеклелек хисе тәрбияләү.
Шушы ук акция кысаларында тәрбияче Эзекова Энҗе Рафаэл кызы "Күңелле стартлар" спорт чарасы оештырды. Балалар спорт уеннарында бик теләп катнаштылар : кемдер туп атты, кемдер инвалидлар өчен махсус җиһазландырылган машиналарда йөрде.
Бу чараның төп максаты- физик үсеш һәм яхшы кәеф булдыру, чөнки безнең балаларыбыз өчен бу бик мөһим.
Спорт ярышларында катнашу балаларга бик ошады. Мондый чараларны ешрак уздырырга тырышабыз, дип белдерә балалар интернаты хезмәткәрләре.