Менделеевск ЗАГСында 100 нче пар

2015 нче елның 31 июлендә Менделеевск ЗАГС бүлегендә  бу елның 100 нче пары язылышты. Яшь кияү, Галимов Дамир Нәфис улын, һәм яшь кәләш ,  Минхәйдәрова Алсу Альберт кызын, ЗАГС бүлеге җитәкчесе Фаина Козырева чын күңелдән истәлекле көн белән котлады.  Ул яшь  парга чын мәхәббәт, бер-берсен хөрмәт итеп, ышаныч белдереп һәм  бер- берсенең кадерен белеп бәхетле озын гомер кичерүләрен теләде. Яшь гаиләне шулай ук  “БЕРДӘМ РОССИЯ” партиясенең җирле региональ бүлеге җитәкчесе К. Смирнова  да котлады һәм “Россиядә яшәүче һәр гаилә ныклы булса- Россия үзе дә нык булыр”, -дип, аларның ныклы гаилә төзүләрен теләде.