“Гаилә сагы”

2015 елның 17 июлендә барлык мөселманнар изге Рамазан аеның тәмамланган көнендә Ураза бәйрәмен билгеләп үтә. Шушы көнне ТР Лениногорск муниципаль районы муниципаль берәмлеге ГХАТ бүлегендә 12 яшь пар үзләренең гаилә китабын ачып җибәрделәр. Алар уртак тормыш юлын  изге эш белән башладылар. Яшь гаиләләр, Балалар хосписындагы (Анжела Вавилова исемендәге фонд) авыру пациент-балалар өчен “Гаилә сагы” дип исемләнгән Республика иганәчелек акциясендә катнаштылар.

Барыбызга да исәнлек-саулык, тыныч һәм тигез тормыш, яхшы гамәлләр генә кылырга насыйп булсын.