Татарстан Республикасы Министрлар Кабинетының гражданлык хәле актларын теркәү идарәсе

Никах өзү буенча статистика

2015 елның 20 июле, дүшәмбе

Хәзерге вакытта Татарстан Республикасында аерылышу турында теркәлгән актлар санының кимүе тенденциягә кереп бара. 2014 елда республикада никах өзү 3,8 %ка кимегән һәм 15 106 акт тәшкил итте.

2015 елның 6 аенда 6 267 аерылышу теркәлгән, бу күрсәткеч узган елның шул ук чоры белән чагыштырганда 1169 актка (15,7 %) азрак.

Шунысын билгеләп үтәргә кирәк, 2014 елда Идел буе федераль округының күп кенә төбәкләрендә аерылышучылар саны арткан. Аерылышулар буенча иң югары күрсәткеч (1000 никахка аерылышучылар саны) — Пенза өлкәсендә (1000 никахка 655 аерылышу), иң түбән күрсәткеч — Татарстанда ("Росстат" мәгълүматлары).

2014 нче елда Киров өлкәсендә 1000 никахка 646 аерылышу теркәлгән, Саратов өлкәсендә — 623, Оренбург өлкәсендә — 603. Аннары Ульяновск (588), Самара һәм Түбән Новгород өлкәләре (587шәр), Мордовия (574), Марий Эл (572) республикалары бара. Пермь краенда 1000 никахка 543 аерылышу, Чуашстанда — 522, Удмуртиядә — 519. Аерылышулар буенча иң түбән күрсәткеч — Татарстанда (1000 никахка 464 аерылышу).

Россиядә аерылышучылар саны буенча иң югары күрсәткеч — Ленинград һәм Магадан өлкәләрендә (1000 никахка 752 аерылышу), Чукот автономияле округында (748), Еврей автономияле өлкәсендә (741).

Гаилә кыйммәтләренә элеккечә Чечняда (1000 никахка 142 аерылышу), Ингушетиядә (182), Дагыстанда, (251) һәм Севастопольдә (1000 никахка 252 аерылышу) аеруча игътибар бирәләр. Өстәвенә, Чечня — бу исемлектә бер ел эчендә әлеге хәлне тагын да яхшырткан бердәнбер төбәк.

БАРЛЫК ЯҢАЛЫКЛАРНЫ УКУ