ЗАГС бүлекләрендә теркәлүче гражданлык актлары кеше тормышында була торган бик әһәмиятле вакыйгаларны раслый

Һәрбер гаиләдә ЗАГС органнары тарафыннан бирелгән таныклыклар саклана, аларда һәр кешенең туганнан алып соңгы юлына кадәрге булган тормыш юлы чагыла.

   ЗАГС бүлегендә иң күңелле вакыйгаларның берсе булып  сабыйларның тууын теркәү тора. Тәтеш муниципаль районының ЗАГС бүлегендә 2015 елның 30 июненә барлыгы 95 баланың (49 малай, 46 кыз) тууы теркәлгән. Малайлар арасында иң популяр исемнәр булып: Илья, Егор,Ильназ, Камил исемнәре, кызлар арасында Анастасия, Дарина,София исемнәре булып тора.Соңгы вакытта элеккеге исемнәр бик еш очрый башлады, мәсәлән, Василиса, Амира, Асия, Әмирхан,Мәликә, Аким. Шуклай ук, кайбер ата-аналар сабыйларына  Мирослав һәм Амилия дигән үзенчәлекле исемнәр кушулары белән башкалардан аерылып торалар.