Гаилә, мәхәббәт һәм тугрылык көне уңаеннан Түбән Кама районы Кама Аланы шәһәр тибындагы поселогында Орел Алексей Степанович белән Татьяна Александровнага “Мәхәббәт һәм тугрылык өчен ” медале тапшырылды. 2008 нче елдан башлап үрнәк гаиләләргә тапшырыла торган әлеге медаль Кама Аланында яшәүчеләргә быел беренче тапкыр гына тапшырылды. Нәкъ бер ай элек энҗе юбилейларын билгеләп үткән Орел гаиләсен Кама Аланында белмәгән кеше юктыр. Алар үзләренең мәхәббәтләре, бер-берсенә булган тугрылыклары, мәрхәмәт һәм ихтирамы белән күп кенә кешенең ихтирамын яулады. “Мәхәббәт һәм тугрылык өчен” медален Орелларга Кама Аланы башлыгының урынбасары Татьяна Краснова тапшырды.