2015 елның 8 июлендә “Гаилә, мәхәббәт һәм тугрылык” көнендә Әлмәт муниципаль районы ГХАТ идарәсе белгечләре Фадеев Владимир Данил улы һәм Раиса Андрей кызында булып кайттылар

Кызганычка каршы барлык гаиләләр дә истәлекле көнгә хәтле барып җитә алмый, ә менә Фадеевлар 60 ел бергә яшәп 21 июнь көнне Бриллиант туйларын билгеләп үттеләр. Тормыш юллары бик җиңел булмаса да, алар авырлыкларны, кайгы-шатлыкларны уртаклашып бергә булалар. Бүген дә алар авырлыкларга бирешмичә, хисләрен сүндермичә, балалар үстереп, аларга үрнәк булып яшиләр. Юбилярларга медаль, истәлекле бүләкләр һәм чәчәкләр тапшырылды.