Ел саен 6 июльдә Бөтендөнья Үбешү Көне билгеләп үтелә

     Бу рәсми халыкара бәйрәм. Башта аны Бөекбританиядә билгеләп үтә башладылар, соңрак БМО ярдәме белән әлеге бәйрәм бик күп илләрдә, шулай ук бездә дә бәйрәм ителә башлады.
     Галимнәр белдергәнчә, үбешү - күңелле генә түгел, ә файдалы да. Соңгы тикшерүләр күрсәткәнчә, үбешү кайбер авырулардан сәламәтләндерергә дә сәләтле. Мәсәлән, төрле аллергик авыруларга каршы көрәшергә булыша, кан басымын төшерергә, кандагы холестерин дәрәҗәсенә йогынты ясый. Матдәләр алмашы күрсәткече дә ике тапкыр арта, ябыгу өчен яхшы чара. Шулай ук үбешү вакытында бөтен бит мускуллары актив эшли һәм барлык җыерчыклар да күз алдында "эри". Стоматологлар фикере буенча, үбешү - кариеска каршы иң яхшы профилактика чарасы. Шунысын да онытырга кирәкми, үбешү вакытында кеше организмында "бәхет гормоны" җитештерелә. Нәкъ менә шуңа күрә, ышаныч белән әйтергә мөмкин, үбешергә яратучылар - чын оптимистлар!
      Шулай итеп, 6 нчы июль - төрле кызыклы уеннар һәм конкурслар белән үзеңә бәйрәм оештыру өчен менә дигән сәбәп. Шулай ук, бу темага кагылышлы фильмнар карап, музыка тыңлап та вакытны күңелле уздырырга була.
      Үбешегез һәм бәхетле булыгыз!