2015 елның 5 нче июлендә "Казан" Гаилә үзәге Татарстан башкаласы халкын һәм кунакларын үзенең Туган көненә чакыра

      Нәкъ 2 ел элек Татарстан Республикасында истәлекле вакыйга булып Казан шәһәрендә Казанка елгасы яр буенда яңа никахлашу сарае - "Казан" Гаилә үзәгенең ачылышы узды. Бу көн XXVII Бөтеньдөнья җәйге Универсиаданың башлануы белән туры килде.
      Бүген "Чаша" конструкциясе - Казан шәһәренең иң танылган истәлекле архитектура урыннарының берсе.
      2015 елның 5 нче июлендә "Казан"ның туган көнен бәйрәм итү кысаларында түбәндәге чараларны үткәрү көтелә:
      11.00 дән 18.00 сәгатькә кадәр узачак һава еланнары фестивале.
Әлеге матур чара һава еланнарын очыртырга яратучыларны бу искиткеч көнне саф һавада үткәрергә чакыра. Кунакларны махсус программа көтә, ул күңелсезләнергә ирек бирмиячәк.
      18.00 сәгатьтә "Биюче шәһәр" проектын башлап җибәрү.
Казан шәһәре ГХАТ Идарәсе "Город" газетасы белән берлектә "Биюче шәһәр" проектын башлап җибәрә. Җәйнең һәр якшәмбесендә 18.00 сәгатьтә "Казан" Гаилә үзәге янында ачык һавада төрле яшьтәге бию белән шөгыльләнергә теләүчеләр өчен Куба һәм Африка биюләре буенча бушлай мастер-класслар узачак. Бу проект бөтенләй бушлай һәм һәр теләгән кеше катнаша ала. Шулай ук һәр дәрестә бию мәктәбендә шөгыльләнү өчен айлык абонемент уйнатылачак.