"Гаилә сакчысы" хәйрия акциясендә республика халкы актив катнаша

      "Гаилә сакчысы" хәйрия акциясе дәвам итә. Республика халкы Балалар хосписы пациентлары кайгысына битараф калмады, "Нечкәбил" конкурсы финалы узганчыга кадәр шәһәр ярминкәләрендә сату өчен алар гаилә сакчыларын алып киләләр. Сакчыларны сатудан килгән акча Анжела Вавилова исемендәге фондка күчереләчәк.
      Шунысы сөендерә, акциядә төрле яшьтәге татарстанлылар катнаша. Арчадан 14 яшьлек Байрамова Аделя район ГХАТ бүлегенә инде икенче гаилә сакчысын алып килә, шулай ук ул акция турында мәгълүматны таратырга булыша.
      Түбән Кама балалар йортында тәрбиянүчеләр үз куллары белән шәмәхә төстәге атлар ясаганнар.
      Мензелинскта яшәүче Виктория Петрова табигый материаллардан үз куллары белән ясаган гаилә сакчысын бүләк итте.
      Бриллиант юбилярлар - Фагиз Хафиз улы һәм Шамсеруй Мотыгулла кызы Хафизовлар Түбән Кама ГХАТ Идарәсенә иң изге теләкләр белән стена шамаилен алып килделәр.
      Республикада мондый изге йөрәкле кешеләр бик күп. Без барлык катнашучыларга да рәхмәт белдерәбез, аларга иминлек һәм сәламәтлек теләп калабыз.