“Нык гаилә – нык дәүләт”

      2014 елның 28 августында Буа муниципаль районында беренче тапкыр район башлыгы А.К.Айзетулловның иң яхшы гаиләләр белән тантаналы очрашуы узды. Очрашуга яшь буынга үрнәк булган, җәмгыятькә лаеклы балалар тәрбияләгән “Бриллиант” һәм“Алтын” парлар, шулай ук районда иң күп гаилә стажы булган Гавриловлар гаиләсе, күп балалы гаиләләр чакырылган иде.  Район башлыгы гаиләләргә тирән  ихтирамын һәм рәхмәтен белдерде. Тантана концерт номерлары белән үрелеп барды, бик җылы атмосферада үтте. Бәйрәмгә чакырылган гаиләләргә истәлеккә бүләкләр тапшырылды.