Алабугада 22 августта “Манхеттен” күңел ачу үзәгендә район башлыгы Г.Е.Емельянов районның 49 күренекле гаиләләре белән очрашты

Очрашуга авыл хуҗалыгы, нефтьчеләр, укытучылар, спортсменнар, төзүчеләр һ.б. бик күп өлкә вәкилләреннән торган гаиләләр чакырылды. Гаиләләр арасында 50 ел бергә яшәгәннәр дә, әле яңа гына өйләнешкәннәр дә бар иде. Очрашуда күңел ачып кына калмадылар, һәркем үзен борчыган сораулар бирде, бик күп шаян,көлке мәзәкләр сөйләделәр. Концертка карап кына калмадылар, үзләре дә концерт куйдылар. Соңыннан очрашуда катнашучылар балалар белән бергәләп боулинг уйнадылар.