Татарстан Республикасы Министрлар Кабинетының ГХАТ Идарәсе башлыгы Э.А. Зарипова Алексеевск муниципаль районында Бөек Җиңүнең 69 еллыгына багышланган чараларда катнашты

      Э.А. Зарипова "Безнең кадерле ветеран" республика иҗтимагый-гуманитар проектының үтәлешен карау максатыннан "Алексеевск үзәк район больницасы" сәламәтлек саклау дәүләт автоном оешмасында булды, Бөек Ватан сугышы ветераннары һәм инвалидлары өчен махсус җайлаштырылган палатаны карап чыкты.

      Шулай ук  Эльмира Амировна Бөек Ватан сугышы ветераннары, тыл хезмәтчәннәре, Алексеевск муниципаль районы халкы һәм килгән кунаклар катнашында үткәрелгән митингта катнашты, һәм Татарстан Республикасы Президенты Р.Н.Миңнехановның Бөек Җиңүнең 69 еллыгы белән тәбрикләү мөрәҗәгатен укыды.