Түбән Кама муниципаль районы ГХАТ идарәсендә эшлекле очрашу булып узды

2014 елның 17 апреле, пәнҗешәмбе
      Түбән Кама муниципаль районы Гражданлык хәле актларын теркәү идарәсендә гражданлык хәле актларын теркәү хокукына ия авыл җирлеге сәркатибләре катнашында чираттагы эшлекле очрашу булып узды. Түбән Кама муниципаль районы Башкарма комитетының ГХАТ идарәсе җитәкчесе Бэлла Махотина агымдагы елның беренче кварталына нәтиҗәләр ясады, ә идарәнең баш белгече Гүзәл Сәгыйтова гражданлык хәле актларын теркәгәндә авыл җирлеге сәркатипләре тарафыннан еш җибәрелә торган хаталарга анализ ясады. Әлеге эшне ул, Татарстан Республикасы  Министрлар Кабинеты ГХАТ идарәсенең тикшерүләре барышында ачыкланган мисалларга, ясалган нәтиҗәләргә таянып башкарды. Моннан тыш, авыл җирендә озын-озак еллар буена дус-тату яшәп, бергә тормыш корып яши башлауларының алтын, зөбәрҗәт туйларын билгеләп үтүче апа-абыйларның яшьләр белән үз мәхәббәтләренең серләре белән уртаклашуны, тәҗрибә алмашуны тагын да җәелдерергә кирәклегенә басым ясалды. 
      Очрашу ахырында Түбән Кама муниципаль районы ГХАТ Идарәсе белгечләре һәм авыл җирлеге сәркатипләре эшләрен тагын да уңышлырак, нәтиҗәлерәк итеп оештыру турында үз фикерләрен алышты. Әлеге очрашуларның район халкына хезмәт күрсәтүне тагын да югарырак баскычка күтәрү, куйган максатларга ирешүгә ярдәм итү ягыннан мөһимлеге бәхәссез.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Идарә
Документлар
Матбугат хезмәте
Гражданнар мөрәҗәгате
Адрес: 420021, Казан шәһәре, Ахтямов урамы, 14
Телефон: +7 (843) 293-14-89, +7 (843) 293-96-98, +7 (843) 293-33-47
Факс: +7 (843) 293-14-89
E-Mail: zags@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International