Мамадыш районы мәктәпләрендә гаилә темасына багышланган дәресләр үзләштерелә башлады

2014 елның 12 марты, чәршәмбе
      Мамадыш районы мәктәпләре арасында гаилә темасына багышланган дәресләр беренчеләрдән булып 4 нче мәктәп базасында үзләштерелә башлаган.
      2014 нче елның 12 март көнендә Мамадыш районы Башкарма комитеты ГХАТ бүлеге җитәкчесе чираттагы дәресләрнең берсенә чакырылган иде.
      Фәния Әхмәтшина чыгышын ГХАТ бүлегенең эшчәнлеге турында сөйләп башлады. Залда утыручы балаларның күбесе теркәлгән акт китабын үрнәк итеп күрсәтте. 
      Укучыларны аеруча 2013 һәм 2014 нче елга китерелгән статистик мәгълүматлар кызыксындырды. Иң яшь ана-ата, кияү һәм кәләш, районда аерылышу сәбәпләре рейтингы – бер мәгълүмат та читтә калмады. 
      1960 нчы елдан алып 2013 нче елга кадәр язылышу һәм аерылышу күрсәткечләре буенча төзелгән чагыштырмача таблица хәтта укытучыларны да гаҗәпкә калдырды  (1960 елда язылышу- 844, аерылышу – 22, 2013 елда – яз.-299, аер.- 132).
      Бәхетле никах һәм гаиләнең асылларын ГХАТ бүлеге җитәкчесе тарафыннан балалар бик игътибарлап  һәм кызыксынып тыңладылар. Дәрес ахырында барлык катнашучылар рәхмәтләрен, янәдән очрашуга өметләрен җиткерделәр.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Идарә
Документлар
Матбугат хезмәте
Гражданнар мөрәҗәгате
Адрес: 420021, Казан шәһәре, Ахтямов урамы, 14
Телефон: +7 (843) 293-14-89, +7 (843) 293-96-98, +7 (843) 293-33-47
Факс: +7 (843) 293-14-89
E-Mail: zags@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International