Конституция көнендә паспортлар тапшыру
12 декабрьдә, Россия Федерациясе Конституциясе көнендә, Лениногорск шәһәренең Никахлашу сараенда 14 яше тулган яшь гражданнарга тантаналы рәвештә паспортлар тапшыруга багышланган чара узды. Конституция нәрсә ул? Бу-дәүләт нигезе, аның гражданнарының тормышы нинди булачагына нигез салынган документ, бу безнең дәүләтнең төп законы. Һәр дәүләтнең мәҗбүри дәүләт символлары да бар: Дәүләт гербы, флаг, гимн һәм Конституция. Ә паспорт нәрсә соң ул? Паспорт-ул хуҗасының шәхесен генә түгел, ә аның гражданлыгын да раслый торган документ. Паспортлар тапшыруга багышланган тантаналы чараны Лениногорск муниципаль районы муниципаль берәмлеге башкарма комитеты җитәкчесе, «Бердәм РОССИЯ» партиясенең Лениногорск җирле бүлеге секретаре Гыйрфанов Марат Нилевич ачып җибәрде. Ул балаларны һәм аларның ата-аналарын бу истәлекле көн белән котлады һәм Россия Федерациясенең 21 яшь гражданына паспорт тапшырды. Шулай ук «Бердәм РОССИЯ» партиясеннән һәм «беренчеләр хәрәкәте» яшьләр оешмасыннан балаларга истәлекле бүләкләр һәм «Россия Федерациясе Конституциясе» дигән брошюралар тапшырылды. Аннары Лениногорск шәһәре Башлыгыннан исемле стипендияләр Лениногорск шәһәренең һәм Лениногорск районының иҗади һәм иҗтимагый тормышында актив катнашкан 10 яшь кешесенә тапшырылды. Шулай ук котлау сүзе белән Россия Эчке эшләр министрлыгының Лениногорск районы буенча бүлегенең Миграция мәсьәләләре бүлеге җитәкчесе, Россия Федерациясе Дәүләт Думасының 1 класслы киңәшчесе Юнысова Лилия Илгиз кызы чыгыш ясады. Тантаналы чара яшь артистлар чыгышы белән үрелеп барды. Бәйрәм җылы һәм дустанә атмосферада узды.