“Россия йөрәге” Гаилә учагы уты Сабадан Арчага китте

2024 елның 1 июле, дүшәмбе

Яшьләр көне уңаеннан узган бәйрәм чарасында Сабага кайткан «Гаилә учагы» тантаналы рәвештә арчалыларга тапшырылды. Районның иң күркәм яшь пары – Айгөл һәм Данияр Мифтаховлар һәм Кызыл - Мишә авылында ярты гасыр тигез гомер итүче Сания һәм Рәсим Галимовлар аны арчалылар Рәмзия һәм Ринат Хафизовларга тапшырды. Бәйрәм чарасында Саба муниципаль районы башлыгы Рәис Миңнеханов, Татарстан Республикасы спорт министры урынбасары Денис Лулаков, көчлеләр экстрим Федерациясе вәкиле, табип травматолог Руслан Пустовой катнашты, алар яшьләргә дә, өлкәннәргә дә тигез, матур тормыш теләделәр.