Май аенда өйләнү - бәхет белән ләззәтләнү!
Күп кенә россиялеләр иске ырым буенча майда өйләнешүдән качалар. Бу ырым авыл хуҗалыгы алга киткән илләрдә барлыкка килгән. Әлбәттә, чәчү эшләренең иң кызган вакытында бәйрәм итәргә, өстәлләр ябарга, туганнарыңны чакырырга ярамаган, югыйсә вакытыңны югалтасың һәм уңышсыз, кышка запасларсыз калачаксың, шуннан «укенәчәксең».
Хәзерге чынбарлыкта бу инде күптән актуаль түгел. Киресенчә, табигать уяну чорында: алма агачлары кәләш кебек ак төстә булганда, һавада шомырт һәм сирень исе аңкыганда туй итү бик тә матур күренеш. Россиялеләрнең күбесе туйлар өчен бу искиткеч айны сайлый. Бүген, 24.05.24, матур датада, Чистай никахлар сараенда җиде никах теркәлде.
Яңа өйләнешкәннәрнең һәрберсе өчен туй иң мөһим вакыйгаларның берсе булып тора. Барысы да ышанычлы юлдаш белән озак бергә яшәү турында хыяллана, анда гаиләдә мәхәббәт һәм үзара хөрмәт хөкем сөрәчәк. Ә шикле билгеләрне тормыш үзе бетерә, алтын туйга кадәр бергә яшәгән һәм тормыш юлы буйлап бәхетле барган парлар моңа ачык дәлил булып тора.