Түбән Кама ГХАТ Идарәсендә булачак яшь парлар өчен туй алды инструктажы узды
Һәр гашыйк парның тормышында бер мизгел була, алар үз союзларын рәсми рәвештә теркәргә әзер булуларын аңлыйлар. Никахны теркәү белән бәйле беренче сораулар гадәттә туй алдыннан ук барлыкка килә.
Гаилә тормышы алдында торган яшьләр никах көнендә үзләрен ничек тотарга, нәрсә әйтергә белсеннәр өчен һәм аларның никахларын теркәү бернинди дә казусларсыз узсын өчен, һәр шимбә ГХАТ Идарәсе белгечләре булачак яшь парлар өчен туй алды инструктажы үткәрәләр.
Никах гармониясенең һәм гаиләнең ныклыгының төп алшарты булып никахка керүчеләрнең әзерлеге тора. Ни өчен никахлашулары, бергә яшәүдән нәрсә көтүләре турында ачык күзаллаулары булганда гына булачак ир белән хатынны никахка әзер дип санарга була. Бу хакта гаилә психологы Дания Трухан булачак яшь парларга сөйләде. Шулай ук белгеч булачак ир белән хатынның барлык кызыксындырган сорауларына да җавап бирде.