Түбән Кама шәһәре ГХАТ Идарәсенең төп залында Хәбибуллиннар гаиләсенең алтын юбилее узды
19 июньдә Хәбибуллиннар гаиләсендә зур вакыйга булды - алар 50 еллык юбилейларын билгеләп үттеләр. Парны хөрмәтләү тантанасы Түбән Кама шәһәренең ГХАТ Идарәсенең төп залында узды. Чара Россиядә игълан ителгән Гаилә елы эгидасы астында узды.
Хәбибуллиннар гаиләсе – чын мәхәббәт һәм гаилә бәхете үрнәге. Алар авылдашлары һәм безнең шәһәр халкы арасында лаеклы абруй һәм хөрмәт белән файдалана.
Ир белән хатын бөтен гомерләрен шәһәребезгә багышладылар. Үзенең хезмәт биографиясен гади радиомеханик булып башлап, үзенең тырышлыгы һәм максатчанлыгы аркасында, Рафаил Исмәгыйль улы тиздән карьерасында уңышларга ирешә һәм 21 ел дәвамында Түбән Кама шәһәренең «Горэлектротранспорт» идарәсенең генераль директоры вазифасын башкара.
Рафаил Исмәгыйль улы - Түбән Кама шәһәренең Мактаулы гражданы. «Ватан алдындагы казанышлары өчен» ордены һәм «Фидакарь хезмәт өчен» медале, «Россиянең Мактаулы Горэлектротранспорт хезмәткәре» күкрәк билгесе белән бүләкләнгән, «Татарстан Республикасының Атказанган транспорт хезмәткәре» булып тора.
Көчле ир-ат артында һәрвакыт акыллы хатын тора. Гляндам Миңнуловна - өй учагын саклаучы: аңлаучы, яратучы, илһамландыручы. Үзенең күпьеллык намуслы хезмәте өчен горпищеторгта эшләп күп кенә Мактау грамоталары һәм Рәхмәт хатлары белән бүләкләнгән.
Ир белән хатын чын эшчеләр. Аларның 95 еллык гомуми хезмәт стажы моны раслый!
Ярты гасыр бергә яшәгәндә ир белән хатын чын байлыкка ия булдылар ике бала тәрбияләделәр - уллары Марат һәм кызлары Венера, хәзер өч оныгының һәм ике сөйкемле оныкчыкларының уңышларына шатланалар.
Алтын туй - гаилә елъязмасының мөһим бите. Юбилярлар 50 ел дәвамында гаилә учагын саклап, бер-берсенә карата мәхәббәтләрен саклап кала алдылар. Сабырлык һәм үзара хөрмәт – аларның гаилә бәхетенең нигезе.
Әлеге мөһим вакыйга белән алтын юбилярларны Түбән Кама шәһәре мэры урынбасары Марина Камелина котлады. Сәламәтлек, бәхет, иминлек һәм озын гомер теләп, Марина Валерьевна ир белән хатынга истәлекле бүләк тапшырды. Шулай ук юбилярларны Түбән Кама шәһәренең Мактаулы гражданы Нина Буханова, шәһәрнең Мактаулы гражданы, Бөтендөнья татар конгрессының Түбән Кама бүлекчәсе җитәкчесе Рөстәм Ганиев, шәһәрнең мактаулы гражданы, Россия Федерациясенең һәм Татарстан Республикасының Атказанган архитекторы, аксакаллар советы әгъзасы Фирдәүс Ханов, аксакаллар советы рәисе Васил Камалов котладылар.
Чараны артистлар - Миләүшә Нуруллина, Ирек Гайнемөхәммәтовның якты чыгышлары бизәде. Гайнемөхәммәтовлар гаиләсеннән музыкаль бүләк гаилә пары өчен күңелле сюрприз булды.
Традиция буенча юбилярларның исемнәре мактаулы юбилярлар китабына кертелде. Бәйрәмнең бизәге, 50 ел элек кебек үк, туй балдаклары белән алмашу булды.
Хәбибуллиннар гаиләсен алтын туйлары белән котлыйбыз. Корычтай ныклы сәламәтлек, бәхетле тигез гаилә тормышы телибез!