Халыкара гаилә көне алдыннан Түбән Кама муниципаль районы ГХАТ Идарәсендә күптән түгел өченче баласы туган гаиләләрне котладылар

2024 елның 14 мае, сишәмбе

Никахлашу Сараеның төп залында тантаналы шартларда Түбән Каманың дүрт гаиләсенә: Фатыйхов, Әхмәтов, Бариев һәм Кәбировларга «күп балалы гаилә» таныклыгы тапшырылды.

Чараның мактаулы кунаклары: Түбән Кама муниципаль районының социаль мәсьәләләр буенча башкарма комитеты җитәкчесе Илдар Рамазанов, Түбән Кама районының социаль яклау идарәсе башлыгы Светлана Власенко, «Бердәм Россия» партиясенең Түбән Кама җирле бүлекчәсе башкарма секретаре Лариса Михайлова булды.

 «Бердәм Россия» партиясенең җирле бүлегеннән һәм «Түбән Кама термаларыннан» бүләкләр матур сюрприз булды.

Кадерле әти-әниләр, сезне бәйрәм белән! Өйләрегездә тынычлык, мәхәббәт һәм үзара аңлашу булсын, ә балалар үзләренең уңышлары һәм казанышлары белән сөендерсен.