Бөек Ватан сугышында Җиңүнең 79 еллыгын бәйрәм итү кысаларында Түбән Кама шәһәренең ГХАТ Идарәсе белгечләре тыл хезмәтчәннәрен котларга бардылар
Мәгъсүмян Закирҗан улы һәм Нәкыйя Юнысовна кунакларны шатланып каршы алдылар. Күз яшьләре белән алар авыр вакытлар турында сөйләделәр, үткән еллардагы вакыйгаларны искә төшерделәр.
Аларның хезмәт тормышы бик иртә башлана. Тыйнак яшәдек, күп эшләдек дип сөйли алар.
Әхмәтҗановлар - иҗат кешеләре. Ныклы гаилә корганнар, балалар үстергәннәр, оныклар һәм оныкчыклар тәрбияләүдә катнашалар. Пенсионерлар булгач та, туган авылларын төзекләндерүдә һәм иҗтимагый тормышта да актив катнашалар.
Тормыш авырлыкларына карамастан, бер-берсен ярату һәм хөрмәт итүдә ир белән хатын озак һәм бәхетле тормыш алып барганнар.
2024 елның 30 июлендә Мәгъсүмән Закирҗан улы һәм Нәкыйя Юнысовна 69 ел бергә яшәүләрен билгеләп үтәчәкләр! Ә 8 майда, гаилә башлыгы үзенең 94 яшьлек юбилеен билгеләп үтте!
Алар дүрт матур бала тәрбияләп үстергәннәр: өч уллары - Рәшид, Равил, Райхат һәм кызлары Равия. Аларның тугыз оныгы һәм 12 оныкчыгы бар!
Хөрмәт һәм танылу билгесе буларак, ГХАТ Идарәсе хезмәткәрләре ир белән хатынга котлау адресы һәм истәлекле бүләкләр тапшырдылар.
Хөрмәтле Бөек Ватан сугышы ветераннары, тыл хезмәтчәннәре! Бөек Ватан сугышында Җиңү көне белән чын күңелдән котлаулар кабул итегез!
Без Сезгә чиксез рәхмәтле!